Drugfestival

Írskir dagar hafa verið undanfarin 2 ár ein alstærsta dóphátíð Íslendinga og ekki ætlar hátíðin í ár að svíkjast udan merkjum. Sem betur fer er gæsla og eftirlit til fyrirmyndar sem skýrir fjölda eiturlyfjamála og annarra fíkniefnamála. Það eru allmörg ár frá því ég fór sjálfur á einhverskonar útihátíð, hef í raun aldrei skilið þessa þörf fyrir að liggja útúrölvaður einhversstaðar og vera með leiðindi. En einhversstaðar verða íslendingar að fá útrás fyrir hálvitaganginn og önnur fíflalæti, sem og að iðka pervertískar hvatir. Nauðgun virðist vera tískufyrirbæri, mér finnst sem einhverjir fari með það fyrir stafni að nauðga og reyna komast upp með það. Svo náttúrulega að berja náungann, praktisera frumhvatirnar, þykjast vera betri en einhver annar. 

Mikið um ólæti og ryskingar á Akranesi í nótt

Athugasemdir

[skagamaður (IP-tala skráð) 8.7.2007 kl. 18:14]

mér finnst þetta nú frekar hart.. Drugfestival?! miðað við fjöldann sem safnaðist fyrir hérna í bænum, þá finnst mér 10 fíkniefnamál nú ekkert festival.. ég held að dópmenningin hérna á íslandi sé nú harðari en það!  Og með nauðgun... það var nú sérstaklega tekið fram í þessarri grein að engin nauðgun hefði átt sér stað.. þannig að þú þarft nú ekki alveg að mála skrattann á vegginn.. Ballið sem var á bryggjunni fór mjög vel fram og sá eg nú ekki betur en fólk hafi verið að skemmta sér mjög vel.. og stimpillinn "drugfestival" finnst mér nú bara fáránlegur!

[Bjarki (IP-tala skráð) 8.7.2007 kl. 19:27]

Sammála "skagamanni", það er tekið fram að ekki var verið að kæra nauðganir og hversu mörg fíkniefnamál heldur þú að komi upp allstaðar þar sem hátíðir eru um verslunarmannahelgi? Það eru allavega mun fleiri heldur en 10 þannig þú virðist ekki vera með puttann á púlsinum.

[Sigurpáll Björnsson, 8.7.2007 kl. 20:25]

Öll kurl eru ekki til grafar komin enn og reynsla margra ára af allskonar hátíðahöldum hefur sýnt verri stöðu en fréttaflutningur líðandi stundar ber vitni um. Lofsverð vinna löggjafans á Akranesi ásamt aðstoð annarsstaðar frá gerir það að verkum að þetta fer minna úr böndunum en ella. Frá þeim tíma sem ég var síðast á útihátíð, ca. 25 ár eða svo hefur ástandið versnað, allavega var það oft óásættanlegt þá og eins og okkar lífsviðhorf hafa breyst, þá hafa þolmörk gagnvart illri hegðun tognað all verulega finnst mér í seinni tíð.